هم حلو وهم يتبطر

الحلو نايم غافي
تمنيته فوك اجتافي
نايم واصفك بيدي
وخدوده يم شفافي
..
هذا الحلو سابيني
وعيونه جت بعيني
ثاري الحلو ناسيني
والله لدور غيره
..
عبالي یگعد يمي
ويسولف يونسني
ومن مهجته يسعدني
هذا الحلو مو غيره
..
هذا الحلو چاتلني
وبشفته معذبني
كل ما أريده يمي
يكولي اصطبر فد لحظه
...
هم حلو وهم يتبطر
وكلما يجيني يقهر
یگولي شعجب تتفكر؟
هم حلو وهم يقهرني
..
عبالي يفهم قصدي
من اچه لابس وردي
حسيت َعطرْ كلبي
من ريحته ومن نوره
..
شمالك يبعد عيوني ؟
وبچیتك حسدوني
ومن حبك يحرموني
ولفي ابد ما أغيره
..
حبك يا بعد عيوني
خله الأهل لاموني
وحته العدا صدكوني
من كلت ماخذ روحي
..
يا حبي لا تقهرني
وبحبك تمرمرني
وعله الوعد جاوبني
يمته أشوفك يمي؟
..
هذا الحلو معذبني
تمنيته ما يتركني
يصالحني ويكابلني
يسولفلي ويفرحني
..
عيوني الحلو شكد حباب
من يجي تاركله الباب
يدخل ولا يسالني
يا حلو بس صالحني

فيينا / الجمعة 12 . 08 . 2011
www.alsaymar.org
fakhirwidad@gmail.com