صدى شوگ الوطن

ياغَريب أرجَع للوَطن وشوف
كافي دموع وكافي من الزمن خوف
وخُذني وياك وأترك هالجَنة وعوف
لاموال تجر ولابعد اليوم حَصرَة تشوف

يامشتاگ أسمَع هالگلب شيگول
گـبل لايـوگف وگبـل لانَبـضَة يزول
يغَني للعِراق ويخَلي ليلي يطول
وجفوني معَلَگة ونومي بالحُزن مَكتول

مُّر بالفُرات وأگطَع الجَرح والآهات
وأمحّي القَهر وأسگم العذاب والويلات

وأطحْن الغل وخَلّي عَويلة صَريج
وأكسر الشَر ودّفْنّه بأعماق الخليج
اسبَح غَميج وأشْحت من البحر أريج
عَطّر بَغــداد وزينها بثوب البهيج

گلبي يگولّي ياعراق ....شگد نَفسي ألَك تشْتاق
رَسمَك خَريــطَة وأوراق......مَنقوشَة مــثل البُــهاق
بجَسَد ودَم كل العُشاق....وعلى حُبَك يدور السِباق

ولساني يغَني يابَغداد....أنتِ العز وأنتِ الأمجاد
وأنت عروس الوِداد ...... وأميرة الحُــب والفــؤاد

ليش نترك الطيب ونعيش وَسْط النَحيب
ليش غابت الشَمس حتى نگول ظَلْمَة
لو نشَف دجلة ومابْقى للريج قَطرَة
لو يبَس التَمر وصارت الطَعمَة مُرّه

باأحباب صحيح للغُربَة أنياب.. وتسگينا بقَهر وعذاب
بس ماتلوح خضار اللبلاب....ولا تنَشّف مياه الزاب
الحُب للأرض أيمان .....وعُمر الأصيل مو خَسران
لو تزّرعة بين الصوان......يخَــضر جذور وسيقــان

شأكتب ماأوفي الديون... عُمري بهالوطَن مرهون

نهـــــاد حنــــاني
هولاندا
19-11-2006