بمناسبة الانتخابات الى كل المرشحين والمرشحات

انتوا أللي رشحتوا نفسكم للانتخابات
دوختونا ودوختوا العالم بالدعايـات
تنشرون بهاي الصور وهاي البوستـرات
وتكعدون بالفضائيات وتسوون لقـاءات
وتحجون منا ومنا وتعقدون مؤتـمرات
وماشفنا واحد يحجي الصدك كلهـا كــــلاوات
وتظلون توجهون لغيركم انتقادات واتهامات
وانتم كلكم بيكم اخطاء وملايين الغلطات
وتمدحون بنفسكم عبالك انتم باشـوات
لو نسالكم شنو قدمتم للشعب من خدمات؟؟؟؟؟؟؟؟؟
شقدمتم غير العبوات والمفخخـات
وترستوا شوارع بغداد جثث وحولتوها الى مقبرات
الكهرباء... أشو عمت عيون الشعب من اللالات
ألمي...اشو ديشرب من السواقي ونسا اكو دجلة وفرات
والشوارع كلها حفر ومطبات وطسات
التموينية مابيها غير الجاي الفاسد وشوي تمنات
الرواتب انتم تقبضون مليارات والشعب فليســات
ألامان يوميا يموتون بالعشـرات
والتمييز اشو خليتوها بالجلاليق والكفخـات
جنكم..ذئاب الغابة تأكلون بالاقلـيات
وحتى المقعد الواحد صار عليهم بالحصـرات
عمي ........يا انتخابات خليتوها التهابات التهابات
سبع سنين وانتم تبوكون
سبع سنين وانتم تقتلون
سبع سنين وانتم تميزون
يوم ويا الشعب والف ويا المجرمون
بربكم انتم هم حكومة انتم؟؟؟؟
اسمعوا الفضائيات واراء الناس بيكم
اصغرهم يلعنكم ويشتمكم ويلومكم
واليوم تردون الشعب ينتخبكم؟؟؟؟
احنا مو ضد الانتخابات
الشعب والعراق بحاجة الى خدمـات
ويريد رجال مو بس حجايات
حتى يرجع العراق صدك بلد الحضارات
مو مثل ما سموا بلد المفخخات::::::::::
ويعيش العراقي مذلول هنا وهناك عل صدقات
من بعض الدول اللي جانت تسمي العراق بلد الخيرات

واقول لك ياعراق تبقى مكرما ومعززافي قلوبنا مادمنا نخاف عليك
نحن نحميك بجفون عيوننا
رعـــد دكالي